Романот ќе биде промовиран како дел од програмата на Македонска поддршка на Фестивалот на европската книжевност „БоокСтар“.
Романот ќе го промовираат познатите твитерџии Маја Стојчевска, Михајло Стојанов, Марија Андреева и Дејан Миноски.
Авторката на романот, Моника Трајковска, е родена на 26 мај 1989 година во Скопје. Уште од рана возраст покажува заинтересираност за човечкиот ум, па тоа ја води кон факултетот за психологија. По дипломирањето, сакајќи да дознае повеќе за однесувањето на луѓето, завршува и прв степен во областа на гешталт-психотерапијата. Смета дека целото искуство за време на студирањето ѝ помогнало при создавањето на ликовите од трилогијата „Наследството на Вероника“.
Фестивалот „БоокСтар“ е поддржан од Европската Унија, Министерството за култура на Република Македонија, Амбасадите на Кралството Холандија и на Република Полска.