За една недела, колку што ќе трае колонијата, се очекува да бидат создадени околу 30 уметнички слики главно со мотиви од старата љубанска архитектура и убавините на Скопска Црна Гора. И годинава, неколку уметници ќе работат скулптури во дрво.
Од домашните уметници ќе учествуваат Данчо Ордев, Илија Богоевски, Владимир Лазоски, Ристо Андреев, Јагода Петковска, Орце Гогов, Виолета Ристовска, Харалампие Манчев и други, а најавено е учество и на уметници од Белград, Крагуевац и Ниш.
Во четврток е планирано да се одржи детски ликовен ден кога 20-тина талентирани ученици од основните училишта од општина Бутел ќе творат заедно со ликовните уметници.
Организатор на колонијата е општина Бутел заедно со Здружението на ликовни педагози на Град Скопје.