Мице Јанкуловски добитник на наградата Уметник на светот на Биеналето Ларнака 2018

На македонскиот сликар и карикатурист Мице Јанкуловски синоќа во просториите на Градската галерија на Ларнака, Кипар, во рамки на Биеналето Ларнака 2018, му е доделена наградата Уметник на светот. Јанкуловски на Биеналето Ларнака 2018 се претстави со делото „Форми од Венеција“ 2017, полиптих од 5 дела, сериграфија со примена на фрок. Делото е куратирано од Енцо ди Мартино и печатено во графичкото студио Фалани, Венеција.